En CUAC FM levamos moitos anos empregando Software Libre para realizar a súa defensa do dereito da comunicación. Porén, hoxe compartiremos na “I Xornada de boas prácticas con Software Libre nas ONGs e Entidades de Acción Social” a nosa experiencia no uso de ferramentas de software libre que nos axudan a facer unha mellor producción, edición, arquivado sonoro e comunicación da nosa actividade radiofónica e asociativa.
Xunto con Chema Casanova (@txenoo) impartiremos unha palestra titulada “Software libre nunha Radio Comunitaria: o caso de CUAC FM” na que explicaremos como funciona unha radio comunitaria e como damos uso das ferramentas libres, que ten permitido as persoas asociadas traballar dende a casa co mesmo software que empregan na emisora e evitando os custes de licenza. O obxectivo é que serva para outras entidades do terceiro sector polo que amosaremos exemplos de como o facemos e contaremos os fitos que temos superado, as principais problemáticas que nos temos atopado e os retos que temos pensado para o futuro.
CUAC FM ten colaborado no desenvolvemento de Software Libre como é o caso do Sistema de gravación automática RadioCo elaborado para CUAC FM por Iago Veloso (traballo fin de grado da Enxeñaría Informática).
Esta xornada está organizada pola Axencia para a Modernización Tecnolóxica de Galicia (AMTEGA) e ten lugar na Cidade da Cultura en Santiago de Compostela. A inscrición é aberta e de balde.
Sabelabranco's Blog 