"Antártida". Carlos Caraglia.
Unha recomendación artística cun trasfondo de sensibilización ambiental:
O Centro de Extensión Universitaria e Divulgación Ambiental de Galicia (CEIDA), con sede no castelo de Santa Cruz- Oleiros, acolle na súa Sala de Exposicións a mostra fotográfica “Antártida e o Cambio Climático” do fotógrafo Carlos Caraglia.
O principal obxectivo da exposición fotográfica deste fotógrafo galego é dar a coñecer as consecuencias do cambio climático, poñendo como exemplo o que está a suceder na Antártida, coa finalidade de espertar a conciencia da sociedade para que asuma un papel activo na solución aos problemas do quentamento global.
Estas imaxes axudan a comprender a grandiosidade deste escenario de xeo, con paisaxes que parecen ilustracións dun conto de fantasía, entre inquietantes e monumentais.
A exposición estará dispoñible ata o 28 de febreiro en horario de luns a venres, de 10 a 14 e de 16 a 19 h., e sábados de 11 a 14 h. Entrada de balde.
Sabelabranco's Blog 
