Estudo Xosé Couso. CUAC FM.
Esta semana o xornal dixital galego PRAZA.COM fixo unha reportaxe estupenda sobre a situación das radios comunitarias de Galicia. Para iso fixo unha serie de entrevistas a diversas representantes da Rede Galega de Medios Libres e Comunitarios– REGARLIC– como FILISPIM (a radio comunitaria de Ferrolterra), a refundada RADIO PIRATONA, en Vigo-Valadares e a emisora que me roubou o corazón- CUAC FM, e sobre a que falo extensamente na entrevista que vos pego máis abaixo.
O xornalista de Praza, Marcos Pérez Pena, tocou os aspectos máis salientables que son comúns ás tres emisoras galegas: a súa situación de inestabilidade legal, a misión de transformación e servizo social que son a razón de ser das radios comunitarias, a relación co tecido asociativo da comunidade de referencia (Ferrol, Vigo, A Coruña), e o futuro, cara ónde se dirixe o sector.
Éche un bo resume de toda a información que os formadores de CUAC FM lles contamos aos nosos novos socios e socias no Plan de Formación de Iniciación á Comunicación Radiofónica que CUAC FM desenvolve todos os meses na súa Escola de Radio e Asociacionismo. Mañá ás 10:00 da mañá haberá unha nova sesión. Quen queira participar, será benvid@.
Máis info sobre a nova de Praza en: http://sabelabranco.com/radio-comunitaria_cuac_fm/radios-comunitarias-subir-o-volume/
Sabelabranco's Blog 