Este verán evidenciouse, unha vez máis, a absoluta discriminación dos homes no deporte profesional. Sen entrar no caso da selección española de fútbol, neste podcast de ONDA CIENCIA, titulado «PROFESIONALIZACIÓN DO DEPORTE, É COUSA DE HOMES?» abordamos con Marta Bobo, María José Mosquera González, Claudia López López e Andrea Seijo Ares, profesoras e investigadoras da Universidade da Coruña, a profesionalización do deporte en Galicia e afondamos nas experiencias e dificultades ás que se enfrontan as deportistas, especialmente dende unha perspectiva de xénero.
Os temas abordados no programa son:
- A profesionalización do deporte en Galicia e a situación das mulleres deportistas.
- A masculinación do deporte profesional e as barreiras existentes para as deportistas profesionais.
- As potencialidades profesionais da fisioterapia deportiva e os teitos de cristal atopados neste ámbito profesional.
- A presencia das mulleres no eido da xestión deportiva e as oportunidades de especialización.
- O papel dos medios de comunicación na transmisión de estereotipos no deporte.
- A influencia das redes sociais para os/as deportistas. Luces e sobras da exposición nas redes.
Non deixes de escoitalo NESTE LINK e tamén en YouTube.
Sabelabranco's Blog 