Este sábado 31 de maio celébrase na Praza de Pontevedra Coruña a Feira da Economía Social, que naceu para promover un comercio responsable e sustentable, local, e que garanta unhas condicións de vida dignas para as comunidades e a traballadoras/es.
Mañá xuntáranse máis de 40 entidades que tratan de dar visibilidade a un modelo de economía solidaria, participativa, local e na que se substitúe competir por cooperar. O horario: entre as 11 e as 20:30 horas.
Estarán presentes ONGs de comercio xusto e a cooperación, cooperativas de consumo responsable, a banca ética, a bicimensaxería, o urbanismo e a arquitectura sustentable, as enerxías renovables, a música libre, o hardware e software libre, a tecnoloxía aberta, os mercadiños de troco, a cociña solar…
En CUAC FM centraremos o noso programa comunitario AR DE CORUÑA na Feira de Economía Social. Será o mesmo sábado, en directo, de 12:00 a 14:00 horas.
Nel, entrevistaremos aos organizadores da Feira, falaremos cos representantes de moitas das iniciativas que se presentan e contaremos o que está a pasar na pé de praza, para que un evento coma este fique para sempre nas ondas radiofónicas.
Poderás escoitarnos en directo no 103.4 da FM, na nosa web www.cuacfm.org/directo e en calquera momento do ano no noso PODCAST Ar de Coruña. Todo iso e moito máis en CUAC FM, a radio comunitaria da Coruña!
Sabelabranco's Blog 