Posts etiquetados ‘IAGO PRADA’

Entrevista no Zig Zag da TVG

Publicado: 13 febrero, 2022 en Actualidade, CUAC FM, Medios Comunitarios
Etiquetas:, , , , ,
0

Entrevista a partir do minuto 1:04

Esta semana pasada tiven a honra de ser entrevistada en varios medios grazas á Estrea do documental «Nada que ver» , unha longametraxe que trata de resumir en 50 muinutos os 25 anos de CUAC FM

Unha das entrevistas que máis ilusión me fixo foi a visita dos compañeiros do programa ZIG ZAG Diario, da Televisión de Galicia. Un programa cultural presentado por unha das voces máis inesquecibles da televisión, Mon Santiso.

Entrevista en ZIG ZAG

Os compañeiros do Zig Zag entrevistáronnos a Iago Prada e a min, xuntiños nos estudos José Couso de Cuac FM. Tivemos a oportunidade para lembrar algúns dos hitos máis relevantes da historia da emisora comunitaria coruñesa, mais tamén para reflexionar sobre os obxectivos e retos para o futuro.

A ambición do Colectivo de Universitarios Activos é seguir sendo a radio da cidadanía coruñesa e da bisbarra, e que cada vez máis xente queira facer o seu propio programa en CUAC FM. Construíndo comunidade. Contribuíndo á mellora da nosa sociedade. Sendo un actor clave na transformación social. E sendo capaces de respostar ás necesidades de comunicación das novas xeracións. 

Podedes ver o vídeo íntegro neste link. 

Entrevista en Radio Sénior a Antón Luaces e Isa Lema

Publicado: 11 febrero, 2022 en Actualidade, CUAC FM, Medios Comunitarios
Etiquetas:, , , ,
0

Entrevista en CUAC FM

O pasado día 10 de febreiro tiven a oportunidade de compartir micrófonos co maestro Antón Luaces, convidada polo programa RADIO SÉNIOR, de CUAC FM, a emisora comunitaria da Coruña.

Co gallo da celebración (anticipada) do Día da Radio, os compañeiros de Radio Sénior fixéronlle unha entrevista de semblanza a Luaces, quen explicou como foron os seus primeiros pinitos na radio, a través dunha emisora parroquial en Radio Ribeira. Máis os seus grandes éxitos producíronse en RNE e, especialmente, no seu programa Españoles en la Mar, que tiñá máis de 40 millóns de oíntes en todo o mundo.

No meu caso, eu fun convidada co gallo da estrea do Documental NADA QUE VER, que presentamos no teatro Colón da Coruña o mesmo día pola noite. Un documental do cineasta Iago Prada, sobre os 25 anos de historia de CUAC FM. Falamos da producción desta obra cinematográfica, mais tamén da importancia de CUAC para unha cidade como Coruña. Grazas compañeiros!

A entrevista a Antón Luaces comeza no minuto 15 do audio. A entrevista a Isabel Lema comenza no minuto 40. 

Podedes escoitar os podcasts do programa RADIO SÉNIOR neste link.