Posts etiquetados ‘divulgación científica’

Divulgación científica en galego: utopía ou realidade?

Publicado: 11 julio, 2023 en Actualidade, CUAC FM, Educación, Medios Comunitarios
Etiquetas:, , , , , , , , ,
0

No terceiro episodio de ONDA CIENCIA abordamos as luces e sombras da divulgación científica en galego. Cal é o papel que desempeña a nosa lingua?

Para profundizar nesta temática, conversamos con catro investigadores da UDC que contan cunha longa experiencia facendo divulgación en diferentes medios de comunicación: Laura Castro, profesora de Informática e divulgadora tecnolóxica en diversos medios de comunicación como Radio Galega e Revista Revirada, Casto Rivadulla, Catedrático de Fisioloxía, comisario da exposición “O mundo na túa cabeza” e autor do libro “A que cheiran as cores”, premio Gala do Libro ao mellor libro de Divulgación Científica 2020; Alexandre Peres-Vigo, profesor de Filoloxía, especialista en sociolingüística galega, planificación e políticas lingüísticas e culturais; e Cristina Naya, coordinadora da Unidade de Divulgación Científica e Cultural da UDC.

Os temas abordados no programa foron: a importancia da divulgación científica en galego e a necesidade de referentes galegos no eido da ciencia, vantaxes e dificultades da divulgación en galego, a cobertura da ciencia nos medios de comunicación de Galicia, a auxe das redes sociais como espazos de divulgación científica, e o papel da UDC como entidade divulgadora da ciencia en galego.

Novo proxecto de divulgación científica: Onda Ciencia

Publicado: 7 May, 2023 en CUAC FM, Educación, Igualdade, Medios Comunitarios
Etiquetas:, , , , , ,
0

Esta primavera comezamos un novo proxecto de divulgación científica en formato radiofónico e podcast, realizado conxuntamente por CUAC FM e a Unidade de Divulgación Científica e Cultural da Vicerreitoría de Igualdade, Cultura e Deporte da Universidade da Coruña.

O formato do programa é un coloquio no que participarán profesorado e/ou persoas investigadoras da UDC, expertas nunha temática concreta sobre o que versará cada programa. 

No primeiro episodio de ONDA CIENCIA, que vimos de presentar abordamos a  LeI Orgánica 10/2022, Lei Integral de Garantía da Liberdade Sexual popularmente coñecida como a lei do «solo sí é sí». Para elo conversamos con tres expertas na materia, profesoras e investigadoras da Universidade da Coruña: Patricia Faraldo Cabana, Ana Neira Pena e María Teresa Piñeiro Otero. 

O debate, abordou, dende unha perspectiva pedagóxica, os aspectos máis da recentemente aprobada “Lei do Sí é Sí”, contextualizando a reforma no marco legal internacional e explicando porqué era precisa unha reforma deste tipo.

Os temas sobre os que debateu no programa foron:  Os cambios da Lei en materia de consentimento afirmativo, os bulos sobre a presunción de inocencia, O perfil de vítima de violencia machista habitual no Estado e como se abordan estos crimes nos medios de comunicación, a supresión da diferencia entre abusos sexuais e agresión sexual, a reducción da pena dalguns delitos sexuais, a agravante por sumisión química, e a liberdade anticipada de condeados por violencia sexual, o tratamento dos medios de comunicación das vítimas de violencia machista e a a implantación da educación sexual obrigatoria na UDC.

  • ESCOITA TODOS OS PODCASTS NESTE LINK.
  • ESCOITA O PODCAST «A LIBERDADE SEXUAL A DEBATE» NESTE LINK.
  • ESCOÍTANOS TAMÉN A TRAVÉS DE YOUTUBE (CON SUBTÍTULOS).